Hlăm Klei bi kƀĭn trông bruă hiu čhưn ênguê hŏng tač êngao thŭn 2026 hŏng akŏ "Mđĭ ktang iêo jak phung tuê hiu čhưn ênguê ala tač êngao truh ti Việt Nam: Anôk mnia mblei mrâo - Mnơ̆ng dhơ̆ng mrâo - Bi hgŭm mrâo", Êpul hgŭm hiu čhưn ênguê Việt Nam bi mklă, leh wưng krŭ wĭt ktang, bruă hiu čhưn ênguê Việt Nam dôk mŭt hlăm wưng đĭ kyar mrâo, čiăng bi mlih mơ̆ng hdră kñăm mđĭ ênoh jing đĭ kyar mâo hrŏng ruah, hnơ̆ng tŭ jăk leh anăn hluê si klei bi hgŭm.

Dŭm klei bi trông ti Klei bi kƀĭn mđing kơ hdră tă anôk mnia mblei tuê ala tač êngao, bruă klam anôk bruă hiu čhưn ênguê hlăm klei bi hgŭm bruă êdeh phiơr - hiu čhưn ênguê - anôk truh leh anăn ba Gia Lai hlăm hla kak mnơ̆ng dhơ̆ng hiu čhưn ênguê mơ̆ng Việt Nam. Hŏng Gia Lai, bruă mkŏ mjing Klei bi kƀĭn mâo boh tŭ yuôm bhăn hlăm boh klei alŭ wăl dôk pŏk mlar wăl đĭ kyar hiu čhưn ênguê, bi hgŭm krĭng êa ksĭ Quy Nhơn hŏng krĭng Lăn Dap Kngư, bi mguôp hiu čhưn ênguê mdei msăn, wăl hdĭp mda, tui ksiêm leh anăn dhar kreh.