Hluê si êpul kiă kriê dŭm hdră êlan duh bi liê čar Gia Lai, ênoh bruă dưi ngă mrâo mâo mă hlăm brô 42% ênoh hlăm klei kuôl kă êbeh 1.226 êklai prăk. Năng mđing, mâo truh 6/7 sang hră êmưt mkă hŏng hdră kčah mơ̆ng 10 - 15 hruê, phŭn agha kyua kƀah phung mă bruă thâo.

Ti anăp klei kpĭ bi leh čiăng ba yua hlăm thŭn hriăm mrâo, phung duh bi liê mtrŭt nanao phung ngă bruă, mbĭt anăn akâo kơ Bruă sang čư̆ êa čar tiŏ nao lĭng kahan, kahan ksiêm, lĭng kahan knông lăn đru ngă bruă. Hdră mâo ênoh duh bi liê êbeh 1.516 êklai prăk, amâo djŏ knŏng đru kơ klei hriăm hră mơar kơ phung hđeh sang hră krĭng knông lăn ƀiădah lŏ mâo boh tŭ dưn yuôm bhăn kơ bi hơĭt klei hdĭp yang ƀuôn, mđĭ hĭn klei thâo leh anăn mkŏ mjing boh kdrŭt mđĭ kyar hơĭt kjăp krĭng knông lăn Gia Lai.