Ti anôk bi kƀĭn, Khua knŭk kna Lê Minh Hưng lač boh klei tar rŏng lăn mâo lu klei bi mlih, bruă hŏng tač êngao bi hgŭm leh kjăp hŏng dŭm êpul djŏ tuôm krơ̆ng kjăp wăl anôk êđăp ênang, hơĭt kjăp bruă kđi čar lehanăn klei êđăp ênang yang ƀuôn.

Hdră hŏng tač êngao găl ênưih wăt hlăm lăn čar leh anăn êngao lăn čar jing "klei găl bi ktưn mdê hjăn" mơ̆ng Việt Nam mkă hŏng lu ala čar mkăn, mjing tur knơ̆ng bi mklă kơ klei đĭ kyar lăn čar. Hlăm wưng kơ anăp, Khua knŭk kna Lê Minh Hưng mtă kơ dhar bruă hŏng tač êngao bi mlih klei jing tar rŏng lăn jing ai dưi mđĭ kyar lăn čar. Khua knŭk kna Lê Minh Hưng mtă kơ dhar bruă hŏng tač êngao brei mâo klei gĭr ktưn hĭn hlăm klei mlih mrâo klei mĭn, hdră mă bruă; păn kjăp boh klei, đăo knăl ksiêm dlăng, čŏng pô kčĕ ba mdah dŭm êpul bruă klă klơ̆ng čiăng đru kčĕ hŏng Đảng, Knŭk kna, hŏng Knŭk kna.