Khua hlăm Phŭn bruă kđi čar, Khua Anôk bruă hâo hưn mtô mblang gưl dlông Trịnh Văn Quyết nao leh anăn blŭ hrăm ti knăm anei. Mơ̆ng thŭn 1946 truh kơ thŭn 1965, Khua gĭt gai Hồ Chí Minh 11 blư̆ hriê čhưn leh anăn mă bruă hŏng Anôk bruă Đảng, bruă sang čư̆ êa, lĭng kahan leh anăn mnuih ƀuôn sang ƀuôn prŏng.

Dŭm klei mtô mơ̆ng Awa jing ngăn drăp yuôm bhăn hlăm ai tiê, tă hdră kơ klei đĭ kyar mơ̆ng Hải Phòng hlăm dŭm wưng. Bi mni kơ dŭm boh tŭ ƀuôn prŏng dưi mâo, Trịnh Văn Quyết mtă kơ Hải Phòng čŏng pô ksiêm dlăng, mđing ruh mtlaih dŭm klei gun kpăk kơ bruă ruh mgaih anôk ala, mnuih mă bruă hnơ̆ng tŭ jăk leh anăn bi mlih gru hmô đĭ kyar. Ƀuôn prŏng brei hluê ngă jăk dŭm bruă klam phŭn, hlăm anăn krơ̆ng kjăp hnơ̆ng đĭ kyar dua ênoh mrô hơĭt kjăp mơ̆ng thŭn 2026 leh anăn dŭm thŭn kơ anăp; mđĭ lar klei găl mơ̆ng hdră êlan mdê hjăn, mtrŭt mđĭ klei đĭ kyar hluê hdră kreh knhâo, mrâo mrang leh anăn bi mlih mrô.