Bruă Anôk kriê dlăng bruă Đảng mkŏ mjing Êpul ksiêm dlăng kñăm tĭng dlăng klă sĭt boh tŭ pŏk ngă Hdră mtrŭn mrô 71, mta phŭn kơ bruă mtô bi hriăm, hlăm anăn mđing bi mklă 4 mta prŏng mâo: Hdră mtô bi hriăm; Hdruôm hră mtô bi hriăm; Anôk bruă leh anăn Mkŏ mjing anôk bruă, êpul phung nai mtô. Blŭ hrăm ti anôk bi kƀĭn, Trịnh Văn Quyết, Khua anôk bruă hâo hưn mtô mblang gưl dlông, Khua êpul ksiêm dlăng mtă kơ hdră ksiêm dlăng brei ngă hŏng klei "blŭ klă, blŭ sĭt, bi klă djŏ", ngă truh ti hnơ̆ng, kyuadah "grăp pŏk hdruôm hră hriăm, grăp boh adŭ hriăm, grăp čô nai mtô siă suôr hŏng êdei anăp mơ̆ng dŭm pluh êklăk čô hđeh hriăm hră leh anăn klei đăo knang mơ̆ng dŭm pluh êklăk gŏ sang".

Mơ̆ng anăn, đru mguôp ba hdră mtô bi hriăm gưl tlâo nao hlăm klei bhiăn, hơĭt kjăp, mđĭ hnơ̆ng tŭ jăk, klă sĭt jing tur knơ̆ng kơ klei đĭ kyar pral leh anăn hơĭt kjăp mơ̆ng lăn čar.