Khua Anôk bruă kƀĭn ala mñă klă Việt Nam dlăng nanao Japon jing ƀĭng hgŭm yuôm bhăn mrô sa, sui thŭn lehanăn gĭr sa ai hŏng bruă klam mơ̆ng LDP. Mbĭt anăn, hmăng hmưi dua tĭng bi mguôp kjăp bi êlam hĭn klei mjĕ giăm ƀĭng hgŭm kluôm dhuôm, bi klă klơ̆ng dŭm klei kuôl kă gưl dlông mơ̆ng gưl hriê čhưn ti Việt Nam mơ̆ng Khua knŭk kna Takaichi Sanae (5/2026).

Bruă Kƀĭn Ala Việt Nam ƀuăn rơ̆ng mjing tur knơ̆ng hdră bhiăn găl ênưih čiăng pŏk ngă tŭ dưn dŭm klei kuôl kă anei. Khua bruă kƀĭn ala Trần Thanh Mẫn kâo kơ Đảng LDP sa ai leh anăn đru mkŏ mjing dŭm Knăm mơak Việt Nam – Japon ti jih dua ala čar, ăt msĕ mơh dŭm klei bi kƀĭn bi hgŭm alŭ wăl msĕ si Klei bi trông alŭ wal Việt Nam - Japon gưl tal dua ti Huế hlăm mlan 9/2026 leh anăn knăm mơak Mjĕ êrô dhar kreh Việt Nam – Japon hlăm knhal jih mlan 9/2026 ti Cần Thơ.