Khua bruă kƀĭn ala mñă anei jing hdră bhiăn mâo boh tŭ dưn yuôm bhăn, kruăk knăl knhuang bi mlih klei mĭn mơ̆ng klei kiă kriê jing kiă kriê krĭng ƀuôn prŏng mrâo mrang, bi mlih mơ̆ng hdră êlan lông ngă jing tur knơ̆ng kơ klei bhiăn hơĭt kjăp, sui thŭn.

Klei čih mkra hdră bhiăn djŏ guôp hŏng dŭm hdră êlan prŏng mơ̆ng Phŭn bruă kđi čar. Khua Bruă Kƀĭn Ala mñă kơ ƀuôn prŏng Hồ Chí Minh bi kluôm ênŭm anôk bruă kriê dlăng wăl krah, mbha gưl klei dưi ti năn mtam nao mbĭt hŏng ksiêm dlăng klei dưi leh anăn bi klă hnơ̆ng čuăn kčah kơ klei dưi hlue ngă. Mbĭt anăn, Ƀuôn prŏng brei mđing mđĭ kyar anôk bruă nah gŭ êdu msĕ si bi mlih mrô, wăl anôk mlih mrâo mbruă, khăt bi hrŏ hdră duh bi liê lehanăn msir mghaih jih klei mđĭ mđal plah wah dŭm klei bhiăn djŏ tuôm.Khua Bruă K ƀĭn Ala brei thâo hră čih Hdră bhiăn mĭn tĭng srăng hưn mdah hŏng Bruă Kbĭn ala ksiêm dlăng, bi mklă ti Klei bi kƀĭn amâo djŏ hdră bhiăn anăp truh.