Khua bruă kƀĭn ala nao čhưn leh ti sang maĭ prŏng mkra mjing êdeh êran hŏng pui kmlă Xiaomi leh anăn Êpul grup Thị Nguyên (CVTE); nao čhưn ti anôk rang mdah mnơ̆ng dhơ̆ng, anôk mkra mjing êdeh êran hŏng pui kmlă mbĭt hŏng dŭm mta mnơ̆ng dhơ̆ng kdrăp hâo hưn ba yua kdrăp mrâo AI hlăm dŭm mta bruă mơ̆ng CVTE. Khua bruă kƀĭn ala bi êdah klei mgei ai tiê leh anăn bi mni kơ dŭm boh tŭ mđĭ kyar mơ̆ng Xiaomi leh anăn CVTE; brei thâo, Việt Nam mâo nanao klei hơ̆k mơak hŏng dŭm anôk bruă duh mkra mrâo mrang tal êlâo hriê ksiêm dlăng klei găl duh bi liê, pŏk mlar klei bi hgŭm, boh nik hlăm bruă êdeh pui kmlă, pin, kdrăp mkăp pui kmlă, klei thâo anak mnuih, bi mlih mrô leh anăn mđĭ kyar hdră mkăp.

Khua bruă kƀĭn ala Trần Thanh Mẫn mñă klă, Bruă kƀĭn ala Việt Nam mâo nanao klei uêñ mĭn bi leh klei bhiăn, mkra mđĭ wăl duh bi liê, mnia mblei hluê hdră klă mngač, hơĭt kjăp leh anăn găl ênưih, rơ̆ng klei tŭ dưi djŏ hdră bhiăn mơ̆ng phung duh bi liê; mprăp mđing hmư̆ dŭm klei akâo djŏ klă mơ̆ng anôk bruă duh mkra, lŏ dơ̆ng bi leh klei bhiăn, mjing klei găl kơ anôk bruă duh mkra ala tač êngao duh bi liê leh anăn ngă bruă sui thŭn, tŭ dưn ti Việt Nam, hluê si klei bhiăn leh anăn rơ̆ng bi kna klei tŭ dưn plah wah dŭm tĭng.