Brei thâo, êpul 500 čô mă bruă bi lar ngă kơ hră klei mrâo ƀrư̆ hruê ƀrư̆ lu jơr, Khua bruă kƀĭn ala bi mni, bi kngăr kơ klei mlih mrâo kơ mta phŭn, hdră mkŏ mjing mơ̆ng Hră klei mrâo Đại biểu Nhân dân leh anăn êpul hgŭm mâo phung kreh knhâo, phung thơ̆ng kơ bruă, phung kriê dlăng, knuă druh mdei bruă mâo ai tiê hur har hrăm mbĭt hŏng hră klei mrâo hlăm wưng êgao.

Khua bruă kƀĭn ala mñă, Hră klei mrâo brei mđĭ lar hĭn êpul hgŭm ti dŭm dhar bruă, dŭm gưl, dŭm alŭ wăl. Hŏng êpul phung đru bruă, tui si Khua bruă kƀĭn ala brei krơ̆ng kjăp klei khăp čiăng, ai tiê čŏng ngă, krơ̆ng kjăp knhuah dôk dơ̆ng ƀơ̆ng huă, klei mĭn bruă kđi čar kjăp, pral kdal, thâo mĭn, mbruă, mghaih msir klei hâo hưn pral, djŏ, klă leh anăn mbruă.