Khua gĭt gai Đảng, Khua lăn čar Tô Lâm nao leh anăn blŭ hrăm ti Klei bi kƀĭn.  Hlăm Klei bi kƀĭn, Khua knŭk kna Lê Minh Hưng hưn mthâo kơ boh klei duh mkra - ala ƀuôn, bruă mkŏ mjing Đảng 6 mlan akŏ thŭn leh anăn bruă klam phŭn wưng kơ anăp. Phung bi ala đru mguôp lu klei blŭ kơ bruă mkŏ mjing Đảng, bi leh anôk bruă, mđĭ kyar lăn čar leh anăn kriê dlăng klei hdĭp mnuih ƀuôn sang.

Khua gĭt gai Đảng, Khua lăn čar Tô Lâm bi mni, hdơr knga kơ dŭm klei đru mguôp mơ̆ng phung khua gĭt gai Đảng, Knŭk kna hđăp; mbĭt anăn mñă klă klei čiăng lŏ dơ̆ng krơ̆ng kjăp klei bi mguôp, sa ai, mđĭ klei thâo gĭt gai, mkŏ mjing anôk bruă khuăt, kjăp, tŭ dưn, mâo klei thâo, mâo klei đua klam, mâo boh tŭ dưn. Khua gĭt gai Đảng, Khua lăn čar mñă klă, hdơr knga năng hĭn hŏng dŭm gưl phung nao êlâo jing bruă klam leh anăn bruă ngă mơ̆ng ênuk ară anei, đru hluê ngă tŭ dưn Hdră mtrŭn Klei bi kƀĭn XIV mơ̆ng Đảng.