Hlăm klei bi trông, Dua čô Khua gĭt gai bi trông leh anăn bi tŭ ư kơ dŭm hdră êlan prŏng kñăm ba klei bi mjĕ Việt Nam - Australia lŏ dơ̆ng đĭ kyar êlam hlăm wưng kơ anăp, mkăp djŏ hŏng klei čiăng đĭ kyar mơ̆ng grăp ala čar ăt msĕ mơh mdrơ̆ng hŏng dŭm klei bi mlih mơ̆ng boh klei ti krĭng wăl leh anăn tar rŏng lăn.

Dua čô Khua gĭt gai bi tŭ ư hyuă kjăp tur knơ̆ng bruă kđi čar hŏng klei mđĭ hĭn klei bi trông gưl dlông leh anăn dŭm gưl, bi êlam hĭn klei bi mjĕ bruă lĭng kahan - bruă răng mgang klei êđăp ênang. Leh klei blŭ hrăm, Khua gĭt gai Đảng, Khua lăn čar Tô Lâm leh anăn Khua knŭk kna Anthony Albanese ktuê dlăng leh knăm bi siñê, bi trông lu hră mơar bi hgŭm hlăm dŭm mta bruă kreh knhâo - kdrăp mrâo, mlih mrâo hŏng klei knhêč, bruă duh mkra mrô, mtô bi hriăm - mjuăt bi hriăm leh anăn dŭm mta bruă mkăn.