Hlăm klei bi trông, dua Khua gĭt gai tŭ ư lŏ dơ̆ng mkra mđĭ klei đăo knang kđi čar, mđĭ kyar kluôm klei bi hgŭm dua ala čar bi mklă mđĭ klei bi trông, bi tuôm gưl dlông leh anăn dŭm gưl, hlăm jih hdră Đảng, Knŭk kna, Bruă kƀĭn ala leh anăn mjĕ êrô mnuih ƀuôn sang, mơ̆ng anăn mđĭ lar klei tŭ dưn dŭm klei bhiăn bi trông hdră êlan.

Khua gĭt gai Đảng, Khua lăn čar Tô Lâm  kčĕ kơ dua tĭng brei   mđĭ klei bi hgŭm, ksiêm dlăng, pŏk ngă tŭ dưn Hdră êlan ngă bruă pŏk ngă Klei bi hgŭm kluôm Việt Nam - New Zealand wưng 2025 - 2030. Dua khua gĭt gai bi mklă srăng lŏ dơ̆ng bi hgŭm hĭn hlăm dŭm bruă krĭng wăl leh anăn lu ala čar hdơ̆ng mđing hlăm dŭm klei bi kƀĭn lu tĭng, boh nik Êpul hgŭm lu ala čar.