Êlâo anăn, mơ̆ng klei hâo hưn mơ̆ng mnuih ƀuôn sang alŭ wăl, hruê 5/10, knuă druh, lĭng kahan Êpul K51 mkŏ mjing klei bi klă ti alŭ wăl phum Tusvai, să Dak Đam, čar Mondulkiri. Čiăng dưi nao truh kơ anôk, êpul tui duah găn êbeh 2 mmông êbat jơ̆ng, nao hlăm dliê, găn hnoh êa.

Leh kuai truh êbeh 60 cm, phung lĭng kahan ƀuh lu mta mnơ̆ng djŏ tuôm hŏng lĭng kahan djiê êngiă. Dua kdrêč klang dôk kbưi hŏng 2 met, kbưi hŏng hang êa êbeh 50 met leh anăn giăm sa phŭn kyâo prŏng. Leh bi mklă, anôk bruă mkŏ mjing klei kuôl kă, ba wĭt kriê pioh, dlăng kriê lehanăn ngă yang ti adŭ ngă yang kơ phung êngiă asei. Msĕ snăn, leh 20 hruê hluê ngă bruă knuă yan bhang thŭn 2026-2027 ti Campuchia, Êpul K51 mâo kuai mă leh 3 klang phung êngiă asei. Boh tŭ dưn đru hluê ngă Hdră bruă 500 hruê mlam, ba phung êngiă asei wĭt hŏng ƀuôn sang.