Khua gĭt gai Đảng, Khua lăn čar Tô Lâm bi myuôm dŭm klei đru mguôp mơ̆ng Dmitry Medvedev hŏng klei đĭ kyar mơ̆ng ala čar Russia lehanăn klei mjĕ giăm mâo mơ̆ng đưm, Ƀĭng hgŭm phŭn kluôm dhuôm Việt Nam - Russia.

Bi mklă Việt Nam mpŭ nanao kơ klei đru mơ̆ng Liên Xô êlâo dih leh anăn Russia ară anei, Khua gĭt gai Đảng, Khua lăn čar Tô Lâm mtă kơ dua Đảng lŏ dơ̆ng mđĭ lar bruă klam tă hdră bi hgŭm dua nah; mđĭ klei bi trông êpul, bi trông klei hriăm leh anăn kah mbha klei thâo kơ bruă mkŏ mjing Đảng, kriê dlăng ala čar, mđĭ kyar bruă duh mkra - ala ƀuôn leh anăn bi mlih mrô. Dua tĭng bi tŭ ư mtrŭt mđĭ klei bi hgŭm hlăm dŭm bruă pui kmlă, êa pui êwa čuh, kreh knhâo - kdrăp mrâo, mlih mrâo mbruă, klei thâo anak mnuih, mtô bi hriăm - mjuăt bi hriăm, logistics leh anăn mjĕ êrô mnuih ƀuôn sang.