Blŭ hrăm hŏng mnuih ƀuôn sang, Khua gĭt gai Đảng, Khua Lăn čar Tô Lâm hơ̆k mơak dưi bi tuôm hŏng êpul êya mnuih Việt Nam ti New Zealand mbĭt hŏng phung bi ala mnuih ƀuôn sang mơ̆ng dŭm ala čar plao ksĭ Dhŭng Pacific. Khua gĭt gai Đảng, Khua Lăn čar Tô Lâm brei thâo, gưl nao čhưn tal anei truh ti New Zealand čiăng lŏ mtrŭt mđĭ klei bi mguôp plah wah Việt Nam leh anăn New Zealand  mtrŭn agha êlam hĭn, tŭ dưn hĭn.

Khua gĭt gai Đảng, Khua Lăn čar Tô Lâm hmăng hưi mnuih ƀuôn sang Việt Nam ti ala tač êngao lŏ dơ̆ng mđĭ hĭn ai tiê bi mguôp, hrăm mbĭt mkŏ mjing sa êpul êya đĭ kyar ktang, bi myuôm klei ktưn hưn djuê ana, mđing kơ ƀuôn sang lăn čar leh anăn ksul mbŭ kơ klei bi hgŭm mguôp plah wah Việt Nam leh anăn New Zealand ăt msĕ mơ̆ng hŏng dŭm ala čar plao ksĭ ƀrư hruê ƀrư̆ đĭ kyar.