Mñă klă Hdră bhiăn Êpul hgŭm lu ala čar leh anăn hdră bhiăn tar rŏng lăn jing tur knơ̆ng mơ̆ng klei êđăp ênang tar rŏng lăn, brei dưi mpŭ djăp ênŭm, sa anăn leh anăn amâo ruah, Khua gĭt gai Đảng, Khua lăn čar lač grăp ala čar brei mpŭ kơ klei êngiê, klei dưi, kluôm ênŭm krĭng lăn leh anăn klei dưi ruah hdră êlan đĭ kyar hdơ̆ng pô; amâo ngă gun kpăk hlăm bruă nah gŭ, amâo arưp aram amâodah ba yua phao ktuang soh hŏng Hdră bhiăn Êpul hgŭm lu ala čar.

Khua gĭt gai Đảng, Khua lăn čar đăo knang hŏng sa Êpul hgŭm lu ala čar kjăp ktang, Việt Nam srăng hrăm mbĭt mkŏ mjing sa tar rŏng lăn êđăp ênang, mtăp mđơr, kluôm ênŭm leh anăn jăk siam hĭn kơ jih jang. Ti ktuê êlan anăn, Việt Nam jing nanao sa čô hgŭm hur har, ƀĭng hgŭm đăo knang leh anăn jing ala čar mâo bruă klam, mprăp đru mguôp hlăm dŭm klei gĭr mbĭt mơ̆ng êpul êya tar rŏng lăn.