Hlăm mmông mă bruă, Khua gĭt gai Đảng, Khua lăn čar Tô Lâm bi mklă, mkŏ mjing anôk bruă nah gŭ jing hdră bruă kluôm, yuôm bhăn sui leh anăn tă wăl đĭ kyar, mđĭ klei dưi bi bi ktưn leh anăn mjing tur knơ̆ng ba Việt Nam jing ala čar đĭ kyar hlăm thŭn 2045. Khua gĭt gai Đảng, Khua lăn čar bi mni kơ boh tŭ yuôm bhăn mơ̆ng Knŭk kna, dŭm Phŭn, dhar bruă, alŭ wăl mâo leh hlăm klei mđĭ kyar anôk bruă nah gŭ hlăm  dŭm thŭn êgao, đru ruh mgaih lu klei kpăk đuôm leh anăn pŏk mlar wăl đĭ kyar.

Khădah snăn, êngao kơ boh tŭ, anôk bruă nah gŭ ară anei ăt ka dưi ngă djŏ klei čiăng mđĭ kyar dua ênoh mrô leh anăn klei kñăm jing ala čar mâo prăk hrui wĭt lu. Khua gĭt gai Đảng, Khua lăn čar Tô Lâm lač kơ lu bruă klam phŭn leh anăn bi mklă, hlăm hdră êlan mđĭ kyar mrâo, anôk bruă nah gŭ brei jhŏng ngă sa bruă klam prŏng hĭn; mjing sa klei klei dưi mkra mjing mrâo mrang, mđĭ hnơ̆ng mkra mjing leh anăn kriê dlăng kdrăp mrâo, mđĭ klei dưi mdrơ̆ng leh anăn pŏk wăl đĭ kyar mrâo kơ lăn čar.