Klah čŭn mmông mă bruă, Khua gĭt gai Đảng, Khua lăn čar Tô Lâm bi mklă, wưng kơ anăp brei ksiêm dlăng hnơ̆ng jăk mnuih mă bruă, brei bi mlih mơ̆ng dlăng myuôm ênoh jih dlăng myuôm kơ hnơ̆ng jăk, boh tŭ yua leh anăn klei dưi đru mguôp lu leh anăn hnơ̆ng mnuih mă bruă. Khua gĭt gai Đảng, Khua lăn čar Tô Lâm mtă, krĭng mnuih djuê ƀiă leh anăn krĭng čư̆ čhiăng mâo bruă klam yuôm bhăn kơ bruă duh mkra ala ƀuôn, lĭng kahan, klei êđăp ênang, wăl hdĭp mda leh anăn êpul bi hgŭm jih jang djuê ana.

Mnuih mă bruă krĭng anei jing klei găl čiăng mđĭ kyar  yuôm bhăn ƀiădah ăt dôk lu klei dleh dlan kơ klei hriăm hră mơar, klei thâo  bruă, klei blŭ djuê lar, anôk bruă nah gŭ, hâo hưn kơ anôk ba čhĭ, klei dưi mtô bi hriăm, čan prăk, hdră duah bruă mă; mtă, brei mjing bruă mă hơĭt kjăp hlăm krĭng mnuih djuê ƀiă mguôp hŏng bruă kơrŭ wĭt ai ktang bi hrŏ ƀun kjăp leh anăn kriê pioh knhuah dhar kreh kyua bruă mă hơĭt kjăp mơ̆ng krĭng mnuih djuê ƀiă amâo djŏ  knŏng jing hdră êlan mnuih mă bruă ôh ƀiădah lŏ jing hdră êlan djuê ana, hdră êlan bi hrŏ ƀun, hdră êlan mđĭ kyar anak mnuih leh anăn mkra mđĭ klei đăo knang mnuih ƀuôn sang.