Ti anôk mă bruă, khua gĭt gai ƀuôn prŏng Hà Nội hưn mdah leh dŭm hdră msir hluê ngă mta kñăm đĭ kyar mơ̆ng 11% kơ dlông thŭn 2026; ksiêm dlăng tal êlâo boh sĭt bi mklă dŭm klei dưi dưi jao hlăm Hdră bhiăn ƀuôn prŏng leh anăn klei akâo, klei kčĕ mơ̆ng ƀuôn prŏng hŏng Klei bi kƀĭn tal dua, Anôk bruă kƀĭn ala gưl XVI.

Blŭ hrăm ti anôk mă bruă, Khua gĭt gai Đảng, Khua lăn čar Tô Lâm mñă klă, brei bi klă dŭm hdră êlan mơ̆ng Đảng, mđĭ klei dưi kiă kriê mđĭ kyar lăn čar; ksiêm duah dŭm hdră bruă hlăm kluôm hdră êlan; bi klă klei găl kơ klei duh bi liê brei dưi đru hŏng hdră bhiăn, hŏng klei bhiăn lăn ala, klei bhiăn čuăl mkă lehanăn rŭ mdơ̆ng hrăm mbĭt. Khua gĭt gai Đảng, Khua lăn čar mñă klă, dŭm klei bi klă kơ hdră êlan ngăn prăk čiăng đĭ kyar lu brei nao mbĭt hŏng klei hơĭt leh anăn mđĭ klei hdĭp mnuih ƀuôn sang; mđĭ lar bruă klam ƀuôn prŏng phŭn, mơ̆ng boh sĭt Hà Nội čiăng đru mguôp hlăm bruă bi leh hdră êlan mbĭt; lŏ dơ̆ng ktuê dlăng boh tŭ ksiêm dlăng bruă hluê ngă klei ƀuăn rơ̆ng hŏng phung bi ala.