Anei jing gưl nao čhưn tal êlâo mơ̆ng Khua gĭt gai gưl dlông hĭn mơ̆ng Việt Nam truh ti New Zealand leh dua ala čar klă klơ̆ng mđĭ klei bi mjĕ dua nah jing Ƀĭng hgŭm phŭn kluôm dhuôm hlăk thŭn 2025 ƀri bi hdơr 50 thŭn mkŏ mjing klei mjĕ giăm, hlăm wưng klei bi mjĕ dua ala čar dôk lŏ dơ̆ng đĭ kyar jăk, hơĭt kjăp mơ̆ng klei đăo knang kđi čar prŏng leh anăn klei đăo knang hdră êlan plah wah dua ala čar ƀrư̆ hruê ƀrư̆ dưi bi kjăp.

Gưl nao čhưn bi klă hdră êlan sa anăn mơ̆ng Việt Nam dlăng yuôm klei bi mjĕ hŏng New Zealand - sa ƀĭng hgŭm jĕ giăm, bŏ hŏng klei găl ti krĭng Dhŭng Pacific, mbĭt anăn jing gru kruăk yuôm bhăn ba klei bi mjĕ Ƀĭng hgŭm phŭn kluôm dhuôm plah wah Việt Nam leh anăn New Zealand đĭ kyar ktang, klă sĭt lehanăn tŭ dưn hĭn hlăm wưng mrâo. Mĭn tĭng hlăm 2 hruê, Khua gĭt gai Đảng, Khua lăn čar Tô Lâm srăng bi trông hŏng Khua kiă kriê New Zealand Cindy Kiro; bi trông hŏng Khua knŭk kna Christopher Luoxon; bi tuôm hŏng Khua bruă kƀĭn ala NewZaeland; hgŭm leh anăn blŭ hrăm ti Klei bi kƀĭn bruă sang hră gưl prŏng leh anăn mtô mjuăt bruă mă Việt Nam-New Zealand; bi tuôm hŏng phung knuă druh, mnuih mă bruă Anôk bruă bi ala leh anăn êpul êya mnuih Việt Nam ti New Zealand../.