Khua gĭt gai Đảng, Khua lăn čar Tô Lâm nao čuă Anôk bruă ksiêm hriăm kơ hdră mnêč leh anăn kdrăp mrâo răng mgang klei êđăp ênang
Thứ ba, 10:00, 18/08/2026
Y-Ƀel Êban/ VOV Tây Nguyên
Y-Ƀel Êban/ VOV Tây Nguyên
VOV.Êđê- Ƀri bi hdơr 81 thŭn Hruê knhuah gru êpul kahan ksiêm yang ƀuôn lehanăn 21 thŭn Hruê jih jang mnuih ƀuôn sang răng mgang klei êđăp ênang ala čar, tlam hruê 17/8, ti Bắc Ninh, Khua gĭt gai Đảng, Khua lăn čar Tô Lâm mbĭt hŏng êpul mă bruă gưl dlông nao čuă lehanăn mă bruă ti Sang hră ksiêm hriăm kdrăp mrâo lehanăn hdră răng mgang klei êđăp ênang.
Blŭ hrăm ti anôk mă bruă, Khua gĭt gai Đảng, Khua lăn čar bi myuôm mta kñăm ba Sang hră truh thŭn 2030 hlăm êpul 5 sang hră mrô sa kơ bruă mtô mjuăt kdrăp mrâo ti Việt Nam, ƀrư̆ ƀrư̆ jing anôk bruă kreh knhâo - kdrăp mrâo mơ̆ng êpul kahan ksiêm yang ƀuôn.
Khua gĭt gai Đảng, Khua lăn čar mtă kơ Anôk bruă ksiêm hriăm mđing mlih mrâo hdră, hdră mtô bi hriăm; mđĭ hluê ngă, lông ngă, bi hmô; mtrŭt mđĭ klei ksiêm hriăm, ba yua leh anăn ba jao kdrăp mrâo, mguôp hŏng klei čiăng rơ̆ng klei êđăp ênang, hdră mlih mrô leh anăn mkŏ mjing bruă duh mkra êđăp ênang.
Viết bình luận