Blŭ hrăm gĭt gai klei bi kƀĭn, Khua gĭt gai Đảng, Khua lăn čar Tô Lâm mñă klă, Đảng, Knŭk kna leh anăn mnuih ƀuôn sang Việt Nam čang hmăng lŏ dơ̆ng mâo klei klei bi hgŭm mơ̆ng Hdră bruă êpul hgŭm gru bi kal hrah leh anăn Mlan wat mniă hrah lu ala čar, dŭm êpul bruă lu ala čar leh anăn ƀĭng hgŭm mđĭ kyar, đru mđĭ klei thâo đru kơ mnuih knap mñai, mđĭ klei bi hgŭm kyua klei êđăp ênang leh anăn mđĭ kyar kjăp.

Lač klă, Lăn čar dôk mŭt hlăm ênuk đĭ kyar mrâo, mđing kơ klei kñăm jing ala čar đĭ kyar, mâo prăk hrui wĭt lu hlăm thŭn 2045, Khua gĭt gai Đảng, Khua lăn čar Tô Lâm brei thâo, sa Việt Nam mdrŏng ktang brei ăt jing sa Việt Nam mâo klei khăp; sa ala ƀuôn mrâo mrang brei thâo bi đru; sa ala čar mđĭ kyar brei thâo mpŭ leh anăn răng mgang ênoh yuôm, klei êđăp ênang grăp čô mnuih.

Kyua anăn, bruă đru kơ mnuih knap mñai amâo djŏ knŏng hlăm klei đru dŏng tơdah yan adiê ngă, klei ruă tưp, klei truh ƀiădah brei jing sa êpul mâo bruă mđĭ kyar anak mnuih, rơ̆ng êđăp ênang ala ƀuôn, kriê dlăng klei amâo myun leh anăn mđĭ klei  kjăp mơ̆ng êpul êya.