Khua gĭt gai Đảng, Khua lăn čar Tô Lâm mñă klă, klei kƀĭn trông jing sa klei mĭn mâo boh tŭ yuôm bhăn hlăm boh klei klei bi mjĕ Ƀĭng hgŭm phŭn kluôm dhuôm plah wah Việt Nam leh anăn Austraylia dôk đĭ kyar hŏng klei jăk, ƀrư̆ hruê ƀrư̆ êlam, klă sĭt lehanăn tŭ dưn, boh nik hlăm dŭm mta bruă srăng bi mklă ai dưi bi ktưn leh anăn klei mdrŏng sah mơ̆ng grăp ala čar hlăm dŭm pluh thŭn kơ anăp.

Khua gĭt gai Đảng, Khua lăn čar brei thâo, hŏng Việt Nam, mđĭ kyar klei kreh knhâo, kdrăp mrâo, mlih mrâo mbruă leh anăn mnuih mă bruă hnơ̆ng tŭ jăk amâo djŏ knŏng jing sa klei ruah ôh, ƀiădah jing klei čiăng êdi čiăng hluê ngă klei čang hmăng jing ala čar đĭ kyar, mâo hnư hrui wĭt lu hlăm thŭn 2045. Kyua anăn, Đảng, Knŭk kna Việt Nam bi mklă leh gru hmô đĭ kyar mrâo, hlăm anăn klei thâo, kreh knhâo, kdrăp mrâo, mlih mrâo mbruă, bi mlih mrô leh anăn ñŭ kma tar rŏng lăn dưi bi mklă jing dŭm boh kdrŭt đĭ kyar phŭn mơ̆ng bruă duh mkra.