Drông Khua gĭt gai Đảng, Khua lăn čar Tô Lâm mbĭt hŏng êpul bi ala gưl dlông Việt Nam ti tač êdeh phiơr prŏng Canberra mâo phung bi ala mơ̆ng Khua knŭk kna Australia Jeff Barnes, phung bi ala kơ Khua knŭk kna Australia, Khua phŭn bruă ngăn dŏ, Khua phŭn bruă Dưr Australia Madeleine King, K'iăng khua adŭ bruă Khua knŭk kna leh anăn Knŭk kna Justin Hayhurst, Khua bi ala Australia ti Việt Nam Gillian Bird.

Boh phŭn mơ̆ng gưl nao čhưn jing lŏ dơ̆ng bi kjăp lehanăn mđĭ hnơ̆ng klei đăo knang bruă kđi čar hlăm gưl dlông hĭn, mjing boh kdrŭt mrâo kơ bruă pŏk ngă tŭ dưn klei kuôl kă Ƀĭng hgŭm phŭn kluôm dhuôm, mbĭt anăn tă hdră êlan dŭm klei găl bi mguôp hlăm wưng kơ anăp. Gưl nao čhưn ăt jing knhuang pŏk ngă yuôm bhăn hdră êlan hŏng tač êngao dưi bi mklă ti Klei bi kƀĭn phung bi ala kluôm ala tal XIV mơ̆ng Đảng, đru bi klă hdră êlan ba klei bi mguôp hŏng dŭm ƀĭng hgŭm phŭn kluôm dhuôm nao êlam hĭn, klă sĭt, tŭ dưn leh anăn kjăp.