Sang hră gưl prŏng ala čar Hà Nội mrâo mkŏ mjing Knăm bi hdơr 120 thŭn knhuah gru leh anăn tŭ mă Medai Mă bruă mrô Sa. Blŭ hrăm hlăm klei bi kƀĭn, Khua gĭt gai Đảng, Khua lăn čar Tô Lâm mñă klă, mŭt hlăm ênuk mrâo, klei čiăng đĭ kyar pral leh anăn  kjăp mơ̆ng lăn čar brei Sang hră gưl prŏng Hà Nội gĭr leh anăn êdah kdlưn ktang hĭn, năng hŏng bruă klam sang hră gưl prŏng ala čar mrô sa.

Khua gĭt gai Đảng, Khua lăn čar čang hmăng sang hră ba anăp hlue ngă dŭm hdră mtrŭn phŭn mơ̆ng Đảng, msir mgaih klei dleh dlan mơ̆ng lăn čar, kriê dlăng dŭm kdrăp mrâo msĕ si klei thâo anak mnuih mkra mjing, bán dẫn, kdrăp mrâo, mnơ̆ng dhơ̆ng mrâo, êa pui êwa čuh mrâo leh anăn ênoh mrô prŏng. Mbĭt anăn mtă kơ dŭm hdră ngă bruă brei dưi pŏk ngă jih hnơ̆ng, mâo boh tŭ leh anăn  klă mngač, đru hlăm klei mđĭ kyar lăn čar.