Hlăm ai êwa hơ̆k mơak drông Knăm mơak mlan pur, Khua hlăm Anôk bruă Đảng Trần Cẩm Tú mbĭt hŏng êpul ngă bruă nao čuă leh anăn mđup brei mnơ̆ng kơ phung hđeh ti ƀuôn phung hđeh SOS ti Hà Nội. Ñu hmăng hmưi grăp čô hđeh drông Knăm mơak mlan pur hơuh mđao hlăm sang khăp čiăng, hriăm hră thâo.

 Bùi Thị Minh Hoài, Khua Dhar bruă Mặt trận čar kwar gưl dlông Việt Nam nao čuă, mđup brei mnơ̆ng kơ phung hđeh dôk mdrao ti Sang êa drao mdrao hđeh gưl dlông. Ñu êmuh hrăm, mđĭ ai phung hđeh leh anăn gŏ sang, Bùi Thị Minh Hoài čang hmăng phung hđeh pral suaih pral, dŭm gŏ sang krơ̆ng nanao klei suaih pral, mđĭ ai hdơ̆ng găp, hrăm mbĭt hŏng phung hđeh hgao wưng dleh dlan, dưi hŏng klei ruă. Ăt hlăm wưng anei, Khua Anôk bruă hâo hưn mtô mblang gưl dlông Trịnh Văn Quyết mbĭt hŏng Êpul mă bruă nao čuă, mđĭ ai phung hđeh ruă ti Sang êa drao mdrao hđeh Hà Nội leh anăn Sang êa drao kahan 103.