Wưng thŭn 2022-2026, dŭm gưl bruă êdam êra mđĭ hĭn klei mlih mrâo bruă hâo hưn, mjuăt bi hriăm, čŏng mlih mrô, mđĭ kyar atur kơ bruă mjuăt bi hriăm hlăm hla pŏk. Kluôm bruă êdam êra iêo jak mâo êbeh 6,5 êklăk gưl phung êdam êra lehanăn giăm 49 êklăk phung êdam êra nao hgŭm hlăm bruă ba anăp.

Bi mni kơ dŭm boh tŭ dưn leh mâo, Khua gĭt gai, khua lăn čar tŭ ư hŏng hdră, lehanăn bruă čuăn kơ wưng mrâo, mbĭt anăn lŏ mtrŭn agha êlam hĭn hlăm bruă mjuăt bi hriăm klei mĭn cách mạng, mbŏ kơ ai tiê thâo khăp kơ lăn čar, knhuah kjăp kđĭ čar, klei dôk dơ̆ng ƀơ̆ng huă lehanăn klei êpa mhao hlăm klei thâo duh myơr mơ̆ng phung êdam êra. Êpul ngă bruă mđing hĭn kơ klei mtô bi hriăm bruă knuă, klei hdĭp dhar kreh, lehanăn duh mĭn kơ êdam êra ti dŭm alŭ wăl, êpul ăt dôk hlăm klei dleh dlan./.