300 čô bi ala phung êdam êra bi ala kơ êbeh 21 êklăk čô êdam êra hlăm kluôm ala nao ti anôk bi blŭ hrăm. Ti anôk bi blŭ hrăm, Khua knŭk kna Lê Minh Hưng čih yap, bi myuôm ai tiê bruă klam, klei thâo leh anăn klei čang hmăng mơ̆ng phung êdam êra Việt Nam.

Dưm jih klei đăo knang leh anăn bruă klam hlăm kngan phung mda asei, Khua knŭk kna iêo mthưr phung êdam êra ba anăp bi mlih klei mĭn, mjuăt bi hriăm klei thâo, mjuăt ktang asei mlei čiăng djŏ guôp hŏng wăl anôk mă bruă dôk bi mlih ktang phĭt; mbĭt anăn mprăp đua klam, msir mgaih dŭm bruă prŏng mơ̆ng dŭm phŭn, dhar bruă, alŭ wăl.