Ksiêm dlăng anôk dôk rŭ mkra Hdră bruă Êlan mnuôr mđoh êa Tham Lương - Bến Cát - Rạch Nước Lên, Khua knŭk kna mñă klă, anei jing êlan mnuôr mđoh êa lehanăn êlan dơ̆ng prŏng mâo boh taih 64km, mtă kơ phung rŭ mkra brei ba yua jih hnơ̆ng kdrăp mă bruă, mnuih mă bruă, mđing kơ yan adiê jăk čiăng bi leh hdră bruă. Sitôhmô Hdră msir mghaih klei êngăp êa ti krĭng ƀuôn prŏng Hồ Chí Minh mâo ksiêm dlăng truh kơ klei bi mlih yan adiê (wưng tal 1) ti krĭng kban Tân Thuận, êlan Trương Đình Hợi, ƀuôn hgŭm Xóm Chiếu, Khua knŭk kna Lê Minh Hưng mtă kơ dŭm êpul djŏ tuôm mđĭ lar ai tiê đua klam, mjêč msir mghaih jih klei gun kpăk, ñĕ kơ klei luič liê ngăn prăk duh bi liê mơ̆ng Knŭk kna leh anăn yang ƀuôn.

Khua knŭk kna mtă. Knơ̆ng bruă sang čư̆ êa ƀuôn prŏng Hồ Chí Minh bi hgŭm kjăp, bi tŭ ư hdră êlan ngăn prăk leh anăn klei bhiăn ngă bruă čiăng hnưm ba kban Tân Thuận lač hjăn leh anăn kluôm hdră gang êa lač kluôm truh kơ anôk kčah, mkăp kơ klei hdĭp mnuih ƀuôn sang.