hlăm dŭm mta bruă mơ̆ng êpul gĭt rang răng mgang internet ala čar bi mguôp hŏng Phŭn bruă kahan ksiêm mkŏ mjing hŏng akŏ “Kyua sa wăl anôk internet jăk kơ grăp čô”. Blŭ hrăm hlăm knăm, Khua Knŭk kna Lê Minh Hưng lač klă lăn čar dôk mŭt hlăm wưng đĭ kyar ktang mơ̆ng klei kreh knhâo, kdrăp mrâo, mlih mrâo mbruă  leh anăn bi mlih mrô, bi klă anei jing boh kdrŭt phŭn čiăng mđĭ hnơ̆ng klei mă bruă, ai bi ktưn mơ̆ng bruă duh mkra ala čar, đru hluê ngă mta kñăm mđĭ kyar bruă duh mkra 2 ênoh mrô.

Hdră mtrŭn mrô 57 mơ̆ng Phŭn bruă kđi čar kơ klei kdlưn hĭn mđĭ kyar klei kreh knhâo mrâo mrang, mlih mrâo mbruă leh anăn bi mlih mrô ala čar bi klă: Răng mgang klei kiă kriê ala čar hlăm internet, răng mgang klei êđăp ênang internet, klei čih pioh, klei čih hưn mơ̆ng êpul bruă leh anăn grăp čô jing klei čiăng nanao, amâodưi bi ktlah hlăm klei đĭ kyar klei kreh knhâo, kdrăp mrâo, mlih mrâo mbruă leh anăn bi mlih mrô ala čar.