Khua knŭk kna Lê Minh Hưng bi mni kơ klei đru mguôp mơ̆ng Schmittmann hlăm bruă mđĭ lar klei bi blŭ hrăm kơ hdră êlan leh anăn mđĭ klei thâo mtô bi hriăm kơ  Việt Nam hlăm wưng êgao, mbĭt anăn hơêč hmưi kơ Jamaludin dưi đăo knang ruah ti Việt Nam leh anăn Lào. Khua knŭk kna Lê Minh Hưng mñă klă, IMF jing ƀĭng hgŭm đru kčĕ hdră êlan phŭn leh anăn jing ƀĭng hgŭm năng đăo knang.

Knŭk kna Việt Nam dlăng klei hưn mdah, klei mtă mơ̆ng IMF jing klei hâo hưn ksiêm dlăng yuôm bhăn hlăm hdră čuăl mkă gĭt gai. Khua knŭk kna čang hmăng hlăm wưng mrâo, Adŭ bruă IMF lŏ dơ̆ng ngă klei mkŏ jăk, mđĭ klei bi hgŭm klă sĭt, mđĭ lar klei bi blŭ hrăm hdră êlan nanao, đru mguôp tŭ dưn hlăm klei kñăm mđĭ kyar pral leh anăn hơĭt kjăp mơ̆ng Việt Nam.