Hơêč hmưi kơ Rajpal Singh mâo ruah ngă Khua bi ala Singapore ti Việt Nam, Khua knŭk kna  Lê Minh Hưng bi mklă Singapore lŏ dơ̆ng jing ƀĭng hgŭm yuôm bhăn mrô sa mơ̆ng Việt Nam hlăm krĭng wăl. Khua knŭk kna mtă kơ dua tĭng mđĭ lar leh anăn mđĭ ktang  gưl nao čhưn, bi tuôm gưl dlông leh anăn dŭm gưl; mđĭ klei tŭ dưn pŏk ngă dŭm klei bhiăn bi hgŭm dua nah, hlăm anăn mâo klei bhiăn bi kƀĭn grăp thŭn plah wah dua Khua knŭk kna leh anăn Klei bi kƀĭn Khua phŭn bruă mkŏ dua bruă duh mkra.

Khua knŭk kna mtă kơ dua tĭng bi hgŭm kjăp mkŏ mjing tŭ jing klei bi blŭ hrăm Kluôm Việt Nam -–Singapore tal sa ăt msĕ mơh klei bi kƀĭn prŏng hlăm thŭn 2027 leh Singapore ngă bruă klam Khua gĭt gai ASEAN leh anăn Việt Nam mkŏ mjing klei bi kƀĭn APEC; mđĭ klă klơ̆ng klei ƀuăn rơ̆ng, klei kuôl kă gưl dlông plah wah dua ala čar.