Hlăm mmông mă bruă, Khua Knŭk kna Lê Minh Hưng mñă kơ Knơ̆ng prăk Knŭk kna leh anăn dŭm êpul bruă ngăn prăk amâo mâo mdei knŏng bruă bi klă boh tŭ dưn ƀiădah srăng lŏ wĭt dlăng dŭm klei arưp aram, klei amâo mâo jăk hnơ̆ng prŏng.

Bruă klam mơ̆ng knơ̆ng bruă ngăn prăk Knŭk kna jing ksiêm dlăng klei prăk luč ênoh, đru kơ klei đĭ kyar, kyuanăn čiăng mâo ai dưi gĭt gai srăng mâo klei mbruă, čŏng pô, djŏ wưng kčah leh anăn djŏ hnơ̆ng. Mñă kơ dŭm klei êdu kƀah hlăm klei mĭn hluê ngă hdră bhiăn kơ ngăn prăk leh anăn bruă ngăn prăk ti đa đa êpul bruă, Khua Knŭk kna mñă kơ êpul ksiêm dlăng, ktuê dlăng knơ̆ng prăk čiăng dưi bi kjăp ktang hĭn. Kyuanăn, tơdah ênoh prăk dưi yua djŏ hdră, nao hlăm bruă mkra mjing, mnia mblei boh kdrŭt srăng dưi bi lar ktang kơ klei đi kyar leh anăn hơĭt kjăp hnơ̆ng prŏng.