Khua mil čhil Panama hriê čhưn klă sĭt ti Việt Nam
Thứ tư, 09:06, 07/10/2026
Y-Ƀel Êban/ VOV Tây Nguyên
Y-Ƀel Êban/ VOV Tây Nguyên
VOV.Êđê- Tŭ ư klei iêo jak mơ̆ng Khua gĭt gai Đảng, Khua lăn čar Tô Lâm leh anăn Mô̆ ñu, Khua mil čhil Cộng hòa Panama José Raúl Mulino leh anăn Mô̆ ñu Maricel Cohen De Mulino hriê čhưn klă sĭt ti Việt Nam mơ̆ng hruê 5- 8/10/2026.
Gưl hriê čhưn mơ̆ng Khua mil čhil Panama Jose Mulino jing klei găl yuôm bhăn čiăng kơ dua ala čar bi êlam hĭn klei bi hgŭm, dŭm klei bi trông bruă kđi čar, mđĭ klei thâo săng hdơ̆ng pô, mbĭt anăn bi mlih klei bi hgŭm mâo mkŏ mjing leh hlăm êbeh 50 thŭn êgao jing dŭm bruă bi hgŭm hdră êlan mrâo, ba wĭt boh tŭ dưn klă sĭt.
Gưl hiu čhưn mơ̆ng Khua mil čhil Jose Mulino srăng đru pŏk sa knhuang mrâo hlăm klei mjĕ giăm Panama - Việt Nam, mbĭt anăn mjing tur knơ̆ng kjăp hĭn kơ klei bi mguôp sui plah wah dua ala čar. Hlăm hdră nao čuă klă klơ̆ng Việt Nam tal anei, Khua mil čhil Panama mĭn tĭng bi trông hŏng Khua gĭt gai Đảng, Khua lăn čar Tô Lâm, bi tuôm hŏng Khua knŭk kna Lê Minh Hưng leh anăn Khua bruă kƀĭn ala Trần Thanh Mẫn.
Viết bình luận