Phung bi ala kơ mnuih ƀuôn sang lač kơ anôk bruă êlan klông nah gŭ mkăp kơ bruă ngă lŏ hma ka hrăm mbĭt, lu ktuê êlan hlăm krĭng ngă lŏ hma ti alŭ wăl Đà Lạt, Đơn Dương, Đức Trọng dôk điêt, ngă kơ mnơ̆ng dhơ̆ng lŏ hma ba dŭ mdiăng lu blư̆, ngă mđĭ ênoh bi liê leh anăn hmăi kơ hnơ̆ng tŭ jăk.

Phung bi ala kơ mnuih ƀuôn sang akâo mđing duh bi liê êlan klông krĭng thơ̆ng pla mjing, mđĭ kyar anôk bruă logistics giăm Tač êdeh phiơr prŏng Liên Khương, mjing klei găl ba mnơ̆ng dhơ̆ng lŏ hma truh kơ dŭm wăl anôk mnia mblei prŏng. Nguyễn Văn Quảng čih yap dŭm klei akâo djŏ hŏng boh sĭt, mbĭt anăn mtă brei mđĭ ktang ksiêm dlăng, ruh mgaih klei gun kpăk kơ klei čiu hnô, ruh mgaih anôk ala hŏng dŭm hdră bruă êlan klông êmưt ngă bruă.