Ti anôk bi kƀĭn bi tuôm hŏng phung bi ala kơ mnuih ƀuôn sang, Êpul bi ala bruă kƀĭn ala čar Lâm Đồng hưn mdah hŏng phung bi ala kơ mnuih ƀuôn sang Boh tŭ klei bi kƀĭn amâo kčah mtrŭn tal sa leh anăn mĭn tĭng boh phŭn, Hdră klei bi kƀĭn tal 2, Bruă kƀĭn ala gưl XVI; hâo hưn boh tŭ msir mgaih klei phung bi ala kơ mnuih ƀuôn sang akâo mơ̆ng dŭm gưl bi tuôm êlâo mơ̆ng dŭm anôk bruă mâo klei dưi.

Bi trông hŏng phung bi ala kơ mnuih ƀuôn sang ƀuôn hgŭm Lâm Viên- Đà Lạt,  Khua hlăm bruă Đảng, Khua Sang phat kđi yang ƀuôn gưl dlông Nguyễn Văn Quảng wĭt lač mtam jih jang boh phŭn phung bi ala kơ mnuih ƀuôn sang akâo, kčĕ. Mbĭt anăn bi mklă, dŭm klei blŭ phung bi ala kơ mnuih ƀuôn sang srăng dưi bi kƀĭn djăp ênŭm čiăng mơĭt kơ gưl mâo klei dưi mâo bruă klam wĭt lač, msir mgaih leh anăn boh nik Bruă kƀĭn ala ăt srăng ksiêm dlăng boh phŭn anei.