Blŭ hrăm ti knăm anei, K’iăng khua knŭk kna Hồ Quốc Dũng mtă brei mđĭ kyar Anôk bruă ksiêm hriăm kơ bruă Năng lượng nguyên tử Việt Nam jing anôk phŭn hlăm hdră ksiêm duah kreh knhâo, mđĭ kyar kdrăp mrâo, đru kơ hdră mnêč leh anăn mtô bi hriăm hnơ̆ng tŭ jăk hạt nhân. K’iăng Khua knŭk kna mñă klă Đảng, Knŭk kna bi klă pui kmlă hạt nhân mâo bruă klam yuôm bhăn hlăm bruă rơ̆ng djăp pui kmlă leh anăn hluê ngă mta kñăm êwa čhŏ knar hŏng 0 hlăm thŭn 2050.

Knŭk kna dôk mjêč mprăp pŏk ngă Hdră bruă Sang mkra mjing pui kmlă hạt nhân Ninh Thuận 1 leh anăn hdră bruă ksiêm hriăm kơ bruă kreh knhâo, kdrăp mrâo hạt nhân ti Đồng Nai. Anei jing dŭm hdră bruă yuôm bhăn mơ̆ng ala čar, čiăng kơ dŭm anôk bruă djŏ tuôm, hlăm anăn mâo Anôk bruă Năng lượng nguyên tử Việt Nam, brei kƀĭn lu klei găl  leh anăn klei mâo čiăng pŏk hluê ngă.