Hlăm mmông bi tuôm, k’iăng Khua Knŭk kna Lê Tiến Châu mñă klă Việt Nam dlăng kơ Japon jing sa hlăm dŭm ƀĭng hgŭm yuôm bhăn mrô 1, jing mah jiăng sĭt suôr, đăo knang, hrăm mbĭt hŏng ênuk đĭ kyar mrâo.

K’iăng Khua Knŭk kna mñă kơ dua tĭng lŏ dơ̆ng bi kjăp klei đăo knang kđi čar, rơ̆ng kơ klei bi tuôm gưl dlông, bi lar bruă klam mơ̆ng dŭm anôk bruă hdră bhiăn čiăng mkŏ mjing klei găl kơ bruă hluê ngă tŭ dưn dŭm klei kuôl kă gưl dlông dưi mâo leh, ăt msĕ mơh mkŏ mjing tur knơ̆ng hdră bhiăn čiăng mtrŭt mđĭ klei bruă duh mkra dua tĭng. Mbĭt anăn, mtrŭt mđĭ klei bi mguôp, mjĕ mjuk mnuih ƀuôn sang plah wah dua ala čar leh anăn bruă Japon lŏ dơ̆ng mkŏ mjing klei găl kơ giăm 700.000 čô mnuih Việt Nam dôk mă bruă leh anăn hriăm ti Japon.