Ară anei, Anôk bruă sinh học tŭ mă, kriê pioh leh 37.610 mta klang kleh phung kahan djiê êngiă mơ̆ng 08 alŭ wăl. Mbĭt hŏng mta klang kleh phung kahan djiê êngiă, Anôk bruă dôk pŏk ngă tŭ mă mta găp djuê phung kahan djiê êngiă čiăng mkă dlăng, bi mklă, bi hgŭm hŏng anôk bruă mrô ADN găp djuê phung kahan djiê êngiă mâo Anôk bruă kahan ksiêm kriê dlăng hdră bhiăn kơ klei êđăp ênang yang ƀuôn, Phŭn bruă kahan ksiêm kriê dlăng.

Blŭ hrăm ti anôk mă bruă, K'iăng khua knŭk kna Phạm Thị Thanh Trà mtă, Knơ̆ng ksiêm hriăm kơ bruă kreh knhâo leh anăn kdrăp mrâo Việt Nam ksiêm dlăng phŭn tal êlâo kơ boh tŭ dưn klei lông ba yua mơ̆ng kdrăp mrâo, hưn mdah hŏng Anôk bruă gĭt gai, Khua knŭk kna leh anăn K'iăng khua knŭk kna; Mkŏ mjing klei mjuăt bi hriăm kơ kdrăp mrâo kơ êpul ngă bruă ksiêm dlăng ADN… Hluê anăn pŏk ngă mđrăm mbĭt hŏng dŭm anôk bruă mâo bruă klam mă mta ksiêm dlăng, bi mklă anăn phung lĭng kahan djiê êngiă.