Hgŭm hơ̆k mơak hŏng phung hđeh ti hdră Mlan pŭr mơak klei khăp kuč mngač klei čang hmăng mơ̆ng Sang hră hđeh điêt Trung Môn (anôk bruă Kim Phú), K'iăng khua knŭk kna Phạm Thị Thanh Trà nao čuă êmuh, mđĭ ai, mđup brei mnơ̆ng  knăm mơak mlan pur leh anăn mơĭt dŭm klei hơêč hmưi jăk siam truh kơ phung hđeh; Mđup brei kơ Sang hră hđeh điêt Trung Môn, anôk bruă Kim Phú 01 boh tivi pioh kơ hdră mtô bi hriăm, hlăp mbul mơ̆ng phung hđeh; Êpul ăt mđup brei 30 kdrăp maĭ tĭng kơ 6 să mâo: Đồng Yên, Tiên Yên, Liên Hiệp, Nhữ Khê, Phú Lương leh anăn Trường Sinh, đru mđĭ kdrăp mnơ̆ng, mkăp kơ hdră ba yua kdrăp hâo hưn leh anăn bi mlih mrô ti anôk bruă.

 K'iăng khua knŭk kna Phạm Thị Thanh Trà mtă kơ čar Tuyên Quang lŏ dơ̆ng pioh klei mđing dlăng jăk hĭn, boh nik wăl anôk hriăm hră, klei găl čiăng kơ dŭm sang hră, anôk mtô bi hriăm mđĭ kyar hĭn; phung nai mtô lŏ dơ̆ng pioh klei khăp kluôm ênŭm kơ phung hđeh, kriê dlăng kơ phung hđeh čiăng kơ grăp hruê nao sang hră jing sa hruê mơak.