Blŭ hrăm ti anôk bi tuôm, K'iăng Khua lăn čar mñă klă, klei khăp kơ klei hriăm hră leh anăn mpŭ kơ phung thâo jing knhuah gru yuôm bhăn mơ̆ng djuê ana, mâo Khua gĭt gai Hồ Chí Minh leh anăn dŭm ênuk gưl amâo mdei ksul mbŭ. Hlăm wưng klei kreh knhâo mrâo mrang, bi mlih mrô leh anăn klei thâo anak mnuih đĭ kyar ktang, anak mnuih leh anăn hnơ̆ng tŭ jăk mnuih mă bruă jing mta phŭn bi mklă klei tŭ jing.

K'iăng khua lăn čar mtă kơ bruă mtrŭt mđĭ klei hriăm hră mơar, klei thâo leh anăn mkŏ mjing yang ƀuôn hriăm hră mar lŏ dơ̆ng mđĭ hnơ̆ng, mă "Mnuih ƀuôn sang hriăm hră mơar" jing phŭn, bi lar ai tiê čŏng hriăm hră mar hlăm jih jang mnuih ƀuôn sang. Dŭm gưl Êpul mtrŭt mđĭ klei hriăm hră mơar čiăng mlih mrâo bruă ngă, mtrŭt mđĭ klei mlih mrô, mguôp hriăm hră mơar jih klei hdĭp hŏng mđĭ kyar mnuih mă bruă, mbĭt anăn mđing kơ mnuih awăt êdu, krĭng taih kbưi, đru mguôp lar bra dhar kreh hriăm hră mơar hlăm mnuih ƀuôn sang.