Klei bi kƀĭn mđing bi trông kơ dŭm hdră msir mđĭ lar bruă klam mơ̆ng bruă hŏng tač êngao Đảng, mđĭ boh tŭ dưn bruă hŏng tač êngao mnuih ƀuôn sang, mđĭ hdră bi hgŭm plah wah tlâo kmeh gơ̆ng bruă hŏng tač êngao mâo bruă hŏng tač êngao Đảng, bruă hŏng tač êngao Knŭk kna leh anăn bruă hŏng tač êngao mnuih ƀuôn sang, mbĭt anăn mđĭ lar bruă klam mơ̆ng dŭm anôk bruă bi ala Việt Nam ti ala tač êngao.

Blŭ hrăm gĭt gai, Trần Cẩm Tú mtă kơ dŭm phŭn, dhar bruă, alŭ wăl leh anăn dŭm êpul bruă kđi čar - ala ƀuôn lŏ dơ̆ng mđĭ klei thâo săng kơ anôk bruă, bruă klam mơ̆ng grăp kmeh gơ̆ng bruă hŏng tač êngao, rơ̆ng pŏk ngă mđrăm mbĭt, tŭ dưn čiăng mkăp kơ dŭm mta kñăm hdră êlan mơ̆ng lăn čar. Đồng chí ăt mñă bruă klam bi kjăp, bi êlam klei bi mjĕ hŏng dŭm Đảng, boh nik dŭm Đảng kiă kriê ti dŭm ala čar riêng gah, dŭm ala čar prŏng leh anăn dŭm ƀĭng hgŭm mkŏ mjing leh klei bhiăn bi mjĕ, mbĭt anăn lŏ dơ̆ng mlih mrâo, pŏk ngă mbruă dŭm klei bhiăn bi hgŭm hlăm êlan Đảng.