Blŭ hrăm klah čŭn klei bi kƀĭn, K'iăng Khua knŭk kna Phạm Thị Thanh Trà bi mklă bruă mnuih khua thŭn mâo Đảng, Knŭk kna mđing dlăng nanao. Leh 7 mlan thŭn 2026, bruă mnuih khua thŭn mâo boh tŭ dưn hlăm lu mta, mơ̆ng bi leh klei bhiăn, pŏk mlar hdră đru kơ yang ƀuôn, kriê dlăng klei suaih pral truh kơ mđĭ lar bruă klam, kơhưm leh anăn klei thâo mnuih khua thŭn.

Mơ̆ng ară anei truh kơ jih thŭn 2026, K'iăng khua knŭk kna mtă brei bi leh hdră êlan djŏ guôp hŏng klei mnuih khua thŭn đĭ; mđĭ hnơ̆ng tŭ jăk anôk bruă mdrao mgŭn kơ mnuih khua thŭn, krŭ wĭt klei suaih pral, kriê dlăng sui, kriê dlăng mdul; mtrŭt mđĭ bruă ngă hră mơar kriê dlăng klei suaih pral điện tử kơ mnuih khua thŭn hlăm kluôm ala leh anăn mkŏ hŏng dŭm anôk bruă mrô djŏ tuôm.