Klei bi kbĭn tal 4 mơ̆ng Dhar bruă gĭt gai anôk bruă srăng mkŏ mjing hlăm 6 hruê, mbha 2 gưl. Gưl 1 mkŏ mjing hlăm 1 hruê mkrah, mơ̆ng hruê anei 8/7 truh kơ 9/7/2026; gưl 2 mkŏ mkra hlăm 4 hruê mkrah, mơ̆ng hruê 14 truh kơ 17/7/2026 leh anăn hruê 28/7/2026.

Hlăm klei bi kƀĭn anei, Dhar bruă gĭt gai Bruă kƀĭn ala srăng ksiêm dlăng, brei klei blŭ mguôp kơ: hră čih Hdră bhiăn, bi mbŏ đa đa mta mơ̆ng hdră bhiăn mkŏ mkra, hdră bhiăn êa pui êwa čuh (mkra mlih), hdră bhiăn lăn ala, hdră mtrŭn mơ̆ng Bruă Kbĭn ala kơ hdră êlan phŭn ƀuah mkra klei ngă soh hŏng hdră bhiăn lăn čar djŏ tuôm hŏng bruă duh mkra Knŭk kna, bruă duh mkra êngao Knŭk kna leh anăn ba yua klei kreh knhâo, kdrăp mrâo, mlih mrâo mbruă, bi mlih mrô, bi mbŏ đa đa mta mơ̆ng Hdră bhiăn knơ̆ng bruă Knŭk kna Việt Nam, hdră bhiăn gang mkhư̆ klei mbliư̆ prăk leh anăn dŭm hdră bhiăn êpul bruă ngăn prăk mbĭt hŏng lu hdră mtrŭn, hdră êlan yuôm bhăn mkăn. Kơ klei bi mklă dŭm bruă yuôm bhăn, Dhar bruă gĭt gai Anôk bruă kƀĭn ala srăng brei klei blŭ kơ hdră mtrŭn duh bi liê Hdră duh mkra êlan dar mrô 5–krĭng ƀuôn prŏng phŭn Hà Nội; bruă mkra mlih hdră duh bi lie Hdră duh ngă mkra êlan êdeh treng Lào Cai-Hà Nội-Hải Phòng