Hlăm klei bi kƀĭn anei, Dhar bruă gĭt gai Anôk bruă kƀĭn ala srăng lŏ dơ̆ng ksiêm dlăng, brei klei blŭ hlăm lu hdră bhiăn leh anăn hdră mtrŭn. Ti anôk bi kƀĭn anei, Dhar bruă gĭt gai bruă kƀĭn ala ksiêm dlăng, bi mklă dŭm hdră mtrŭn msĕ si: Hdră mtrŭn kơ Hdră čih mkra hdră bhiăn thŭn 2027; Hdră mtrŭn kơ bruă dŭm anôk bruă ksiêm dlăng dưi mă sa kdrêč mơ̆ng dŭm ênoh prăk hrui wĭt, ƀuh hlăm klei ksiêm dlăng leh jao kơ ngăn prăk knŭk kna pioh duh kơ bruă leh anăn mđĭ klei thâo mơ̆ng anôk bruă ksiêm dlăng;

Hdră mtrŭn kơ klei bhiăn răng mgang phung ngă bruă ksiêm dlăng.Kơ bruă ksiêm dlăng, Dhar bruă gĭt gai bruă kƀĭn ala srăng ngă klei bi trông kơ klei hưn mdah bruă knuă thŭn 2026, mĭn tĭng Hdră ksiêm dlăng thŭn 2027 mơ̆ng Anôk bruă ksiêm dlăng knŭk kna; ksiêm dlăng klei hưn mdah bruă knuă mơ̆ng mnuih ƀuôn sang. mơ̆ng Bruă kƀĭn ala mlan 8/2026.Kơ klei bi klă dŭm bruă yuôm bhăn, Dhar bruă gĭt gai bruă kƀĭn ala srăng brei klei blŭ kơ Hdră bruă ala čar kñăm gang mkhư̆ phung ngă soh wưng thŭn 2026 -2030, hnơ̆ng trah dlăng truh thŭn 2035.