Knŭk kna bi êdah brei jao klei dưi kluôm hĭn kơ ƀuôn prŏng mdê hĭn. Hră hưn mdah mơ̆ng Knŭk kna, Khua phŭn bruă hdră bhiăn Hoàng Thanh Tùng mñă ktang, Hdră bhiăn mđĭ kyar ƀuôn prŏng dưi mkŏ mjing čiăng ngă tur knơ̆ng hdră bhiăn hơĭt kjăp, kdlưn hĭn leh anăn mtrŭt mđĭ klei đĭ kyar. Mta kñăm jing ruh mgaih klei kpăk čiăng bi klă dŭm hdră êlan, bruă mkŏ mkra, ai dưi leh anăn mkŏ mjing klei ngă bruă, mđĭ ghĭn klei mbah gưl, mbha klei dưi čiăng mtrŭt mđĭ klei đĭ kyar pral, hơĭt kjăp.

Bruă mdah mdah hdră bhiăn jing čiăng êdi čiăng bi klă, hdră êlan, hdră mtrŭn mơ̆ng Đảng, lŏ čuê, mjing hdră bhiăn dŭm hdră êlan phŭn dưi bi klă hlăm dŭm hdră mtrŭn djŏ tuôm mơ̆ng Bruă Kbĭn ala dưi bi klă leh hlăm boh sĭt. Ară anei, ƀuôn prŏng Hồ Chí Minh leh anăn dŭm ƀuôn prŏng adôk mâo lu klei kpăk kơ klei čuăl mkă, bruă mkŏ mkra, wăl hdĭp mda, mlih mrâo hŏng klei mbruă, sang hră mơar, bruă mdrao mgŭn, bi hơĭt klei hdĭp yang ƀuôn, kiă kriê leh anăn mkŏ krĭng, čiăng mâo san hdră biăn hơĭt kjăp, kluôm dhuôm leh anăn ktang čiăng mkŏ mjing boh kdrŭt đĭ kyar mrâo.