Nao hlăm klei bi kƀĭn mâo êbeh 150 čô bi ala jing phung kriê dlăng, phung thơ̆ng kơ bruă, phung kreh knhâo; bi ala lu sang hră gưl prŏng, sang ksiêm hriăm, anôk bruă duh mkra, bi hgŭm bruă hlăm leh anăn êngao čar. Klei bi trông hưn mdah ti anôk bi kƀĭn brei ƀuh, bruă mkŏ mjing hdră bi hgŭm kjăp plah wah Knŭk kna - Sang hră - Anôk bruă duh mkra jing klei čiăng êdi čiăng kơ Lâm Đồng mtrŭt mđĭ kyar klei kreh knhâo, kdrăp mrâo leh anăn mlih mrâo hŏng klei mbruă.

Klei anei kbiă hriê mơ̆ng boh sĭt jing bruă sang čư̆ êa ngă hdră êlan ka djŏ guôp hŏng boh sĭt; klei ksiêm hriăm kreh knhâo ka djŏ guôp hŏng klei čiăng mkra mjing, mnia mblei; boh tŭ ksiêm hriăm ka dưi ba yua tŭ dưn, hlăk anôk bruă duh mkra dleh dưi dưn yua kdrăp mrâo leh anăn phung kreh knhâo.  Nguyễn Ngọc Phúc, K’iăng Khua Knơ̆ng bruă sang čư̆ êa čar Lâm Đồng, brei thâo, hlăm klei bhiăn bi hgŭm bruă duh mkra kčah klei tĭng dlăng, sang hră leh anăn phung kreh knhâo mblang klei tĭng dlăng, Knŭk kna mjing klei bhiăn, mkŏ klei găl, đru prăk bi liê leh anăn mđĭ ba yua kdrăp mrâo, bruă mnia blei.