Dŭm alŭ wăl huĭ hyưt mâo klei truh yan adiê mâo: alŭ wăl ktuê hnoh krông Đa Nhim, ta luy ktuê êlan dơ̆ng prŏng mrô 1; Čư̆ Đại Ninh ti êlan dơ̆ng prŏng mrô 28B, čư̆ Đa Mi ti êlan dơ̆ng prŏng mrô 55; alŭ wăl ktuê hnoh krông Phan, êlan dơ̆ng êran pral Phan Thiết- Dầu Giây; alŭ wăl ktuê hnoh krông Cam Ly, krông Dă Dăng; êlan Trường Sơn Ngŏ; Wăl anôk dôk mrâo Đưng K'Nớ 5, êlan dơ̆ng mrô 722 hlăm să Dam Rông 4…

Dŭm hruê êgao, adiê hjan prŏng sui ngă leh kơ lu ktuê êlan, krĭng mnuih ƀuôn sang dôk ti nah Ngŏ čar Lâm Đồng êngăp êa, êlan klông dleh găn êrô. Dŭm alŭ wăl msĕ si: ƀuôn hgŭm Bình Thuận, să Hàm Thuận Bắc, Hàm Liêm, Hàm Thắng… brei leh phung hđeh mdei hriăm čiăng rơ̆ng klei êđăp ênang.

Ti anăp klei hjan êa lip lŏ dơ̆ng dleh ksiêm dlăng, bruă sang čư̆ êa dŭm să, ƀuôn hgŭm ti Lâm Đồng dôk lŏ dơ̆ng mđĭ hdră mdrơ̆ng, mtă kơ mnuih ƀuôn sang bi hrŏ klei găn êrô ti dŭm anôk huĭ hyưt klưh hroh leh anăn đăm nao ôh ti dŭm krĭng êngăp êlam./.