Leh knăm čuh brui mngưi, phung khua gĭt gai Knơ̆ng gĭt gai lĭng kahan alŭ wăl 7 ksiêm dlăng ti anôk êpul êya tui duah mrâo ƀuh sa tal msat hlăm hdră pŏk mlar anôk tui duah. Anôk anei dôk giăm anôk leh ƀuh, bi kƀĭn klang kleh phung êngiă asei êlâo anăn. Mtam leh ƀuh gru bi knăl, Êpul K74 răng mgang leh anôk dôk tui duah, mđing kơ êpul lehanăn kdrăp mnơ̆ng pŏk ngă bruă tui duah hluê djŏ hdră.

Khua gĭt gai kahan alŭ wăl 7 mtă kơ Knơ̆ng gĭt gai lĭng kahan ƀuôn prŏng Hồ Chí Minh leh anăn Êpul K74 lŏ dơ̆ng ksiêm dlăng kjăp kdrăn mblah, gru kahan, pŏk mlar anôk tui duah, amâo lui kƀah ôh dŭm krĭng djŏ tuôm. Asei mlei, mnơ̆ng dhơ̆ng leh anăn dŭm gru kahan djŏ tuôm brei dưi hrui m ƀĭn, kriê pioh, čih pioh, bi klă, bi leh hră mơar, mkăp kơ bruă bi mklă, bi mklă anăn phung êngiă asei.