Mơ̆ng klei khua mduôn hâo hưn, Êpul K52 (Gia Lai) lŏ bi kƀĭn thiăm 4 klang phung êngiă asei
Thứ năm, 07:00, 29/10/2026
VOV Tây Nguyên
VOV Tây Nguyên
VOV.Êđê- Êpul K52, Knơ̆ng gĭt gai lĭng kahan čar Gia Lai mrâo bi kƀĭn thiăm 4 klang lĭng kahan djiê êngiă ti ƀuôn Bi, să Ia Dom.
Snăn, mơ̆ng hruê 5/10 truh kơ ară anei, êpul bruă djŏ tuôm duah ƀuh, bi kƀĭn mâo 16 klang lĭng kahan djiê êngiă ti krĭng anei. Êlâo anăn, hlăk êjai ngă bruă hlăm đang war, khua mduôn Siu Bích, kkiêng thŭn 1952, ti ƀuôn Bi ƀuh lu boh msat lăn đing jing msat lĭng kahan djiê êngiă leh anăn hưn hŏng anôk bruă djŏ tuôm.
Hluê si klei ksiêm dlăng, Êpul K52 mkŏ mjing klei tui duah mơ̆ng hruê 5/10. Truh kơ ară anei, jih 16 klang dưi bi kƀĭn ti krĭng anei ka dưi bi mklă anăn ôh. Êpul bruă djŏ tuôm mă leh mta pioh mkă dlăng, mbĭt anăn lŏ dơ̆ng pŏk mlar hdră tui duah.
Viết bình luận